去旅行例牌大買特買，仲要幫親朋好友「走水貨」，淨計買幾個名牌手袋， 退稅 金額隨時夠你買多個！所以旅行掃貨， 退稅 真係基本常識，不過各國退稅手續不一，魔鬼細節又容易中招，退少幾蚊事小，無端端被搵笨就真心嬲！唔想畀人當做Lulu？即刻同你拆解多國退稅小知識！

文：Alex @ A君的泡菜日誌

01|  退稅物品係咪一定要跟身？

大部分國家都有明文規定退稅物品要隨身攜帶方便檢查，不過歐洲國家在寄艙前都會有檢查Counter，退稅後就可以放入喼！而日本、韓國等地有時會抽樣檢查，如果無隨身攜帶將會被課稅，不過一般退稅品如衫褲鞋襪、手袋、電器、100ml 以上的酒精等，都不在規範內，反而被特殊辨識包裝的化妝品、零食等，還是乖乖跟身免得被罰吧。

MuseTravel 妙自遊一站式自由行服務! 最新人氣推介,各旅遊熱點精選自由行套票! 主題各有特色, 例如親子 ,賞花 ,滑雪, 溫泉 , 瘋狂shopping ,二人世界......快啲Click入嚟睇吓啦! 
連結: http://www.musetravel.com/website/promotion

02| 歐遊多國，退稅又要點樣做？

歐遊多國（歐盟國家）的話，其實唔使每次出境都退一次稅，反而可在離歐回港前的最後一個國家一次過取回所有退稅款項，所以平日掃貨後只要叫店員幫手填表，之後帶齊護照、收據、表格等在離歐前的機場辦理手續就得，勁方便！倫敦2年後脫歐將會有新的退稅機制，到時記得要留意！

更多
03| 現金退稅有手續費，信用卡退稅更划算？

未必！在歐洲以現金退稅手續費貴過退入信用卡，令不少人都會揀後者，不過原來有魔鬼細節，信用卡退稅除了要留意匯率變動，更要注意DCC（動態貨幣轉換），即係同步匯率，如果選擇退稅款項以港幣退回信用卡，就會以DCC 機制的匯率（比正常匯率差）即時計算，Global Blue 更會收3% – 5% 貨幣轉匯費用，完全係蝕上加蝕，所以退稅金額大，一定要計清楚，或者先退回當地貨幣吧。

04| 申請退稅遲遲未收到錢，點算好？

不少網民表示有中伏經驗，例如巴黎海關於退稅單經常漏蓋海關印，寄表時對方又話收唔到等等，這個時候便要去法國駐香港領事館搵人幫幫手，記得要帶齊護照、居港證明、登機證（如有）、退稅單存票、收據及退稅的物品（全部……），辦理手續後就將文件寄到當地退稅公司（以巴黎為例便是常見的Global Blue 或Premier Tax Free），之後等待處理便可取回款項，不過要謹記在離境6個月內完成，把握時間！

更多