[酒店推介］市中心天然溫泉！日日去黑門市 日本
[酒店推介］市中心天然溫泉！日日去黑門市場！新酒店－御宿野乃難波酒店
去日本想浸溫泉，但係行程又未必安排到去遠離市中心嘅溫泉酒店？ 而家喺市中心都有得浸啦！仲要係天然溫泉添！今年9月新開張嘅「御宿野乃難波酒店」係大型酒店集團 Dormy Inn 嘅最新酒店，距離地鐵日本橋站1分鐘、地鐵難波站10分鐘，交通非常方便！位置鄰近道頓堀、心齋橋、千日前道具屋筋商店街、難波地下街／商場，行去黑門市場都只係10分鐘，日日行去食魚生做早餐都得！行街、食野、浸溫泉歎世界都唔使搭車！
大阪4天自遊行 御宿野乃難波酒店（Onyado Nono Namba Natural Hot Spring）
- 地址：〒542-0073 大阪市中央区日本橋1-4-18
- 交通：地鐵日本橋站行1分鐘／地鐡難波站直行10分鐘
- 機場交通：搭乘南海電鐵(空港線)至難波站(車程約40分鐘)
- 電子地圖：http://bit.ly/2eoiEj1
- 附近景點：
- 黑門市場：5分鐘
- 心齋橋、道頓堀：5-8分鐘
- 難波站購物區：10分鐘
- 千日前道具屋筋商店街：10分鐘
【實用小地圖】(SAVE底就最方便啦)
大阪4天自遊行 御宿野乃難波酒店（Onyado Nono Namba Natural Hot Spring）
「御宿野乃難波酒店」全館鋪設榻榻米，感覺溫馨舒適之餘仲充滿日式和風感覺！所有客房均使用SERTA床褥，令住客可以瞓覺好嘅！房間適中，浴室有西式浴缸，設備亦齊全：浴巾、風筒、WIFI、電視、電熱水壺、冰箱、樽裝水、拖鞋、盥洗用品。
大阪4天自遊行 御宿野乃難波酒店（Onyado Nono Namba Natural Hot Spring）
酒店內設有男女分開嘅天然溫泉大浴場「花風之湯」，半露天溫泉每日由15:00－翌日10:00開放使用（01:00－05:00桑拿房暫停使用）。「花風之湯」屬於氡溫泉，有助舒緩肌肉痛、關節痛、神經痛、寒症、肩周炎、恢復疲勞。
酒店提供自助早餐，供應章魚燒、炸串燒、燉牛肉、煎餅等多種大阪特色食品和西式餐點。酒店包早餐就好常見，呢間仲有免費宵夜拉麵提供，每日21:00－23:00供應小碗醬油拉麵！
大阪4天自遊行 御宿野乃難波酒店（Onyado Nono Namba Natural Hot Spring）
雖然「御宿野乃難波酒店」唔係喺正正大家好熟悉嘅道頓堀、心齋橋區，但酒店距離購物點道頓堀（行5分鐘可以到固力果招牌）、心齋橋筋商店街（衫褲鞋襪藥妝）、戎橋筋商店街、千日前道具屋筋商店街（有好多賣廚具嘅店個條街）、BIC CAMERA（買家電）、難波WALKS地下街、難波PARKS／CITY／0101等商場、高島屋百貨公司，全部都係10分鐘腳程！（行到腳都斷？返酒店浸個溫泉囉！）
大阪4天自遊行 御宿野乃難波酒店（Onyado Nono Namba Natural Hot Spring）
除咗行街，仲有一點你會好鍾意呢間酒店，就係佢好近「黑門市場」！黑門市場被稱為大阪嘅廚房，有好多新鮮食材即買即食！刺身、海膽、河豚、貝類等新鮮海產，仲有黑毛和牛、同埋日本新鮮水果！日日去食刺身做早餐都得！回程個日仲可以買日本水果做手信添！
大阪4天自遊行 御宿野乃難波酒店（Onyado Nono Namba Natural Hot Spring）
除咗黑門市場，酒店除近有好多食肆，出名口竹嘅有蟹道樂、一蘭拉麵個啲旅遊書推介嘅餐廳。如果想食特別啲，可以試下杜如風推介嘅「蟹しぐれ」、自己釣自己食嘅「釣船茶屋ざうお」、同地道大排檔風味「魚圓」（魚圓：歎日本大閘蟹！即燒海產！）
