五大不可不知的執行李大法
眨下眼夏天又嚟啦，好快又係去旅行嘅好日子，無論係去泰國曬太陽玩水，去日本食好西血拼，定去歐洲嚟過歷史朝聖，總之就絕對係一個令人期待嘅假期。雖然講就講到未出發先興奮，不過每次去旅行之前總係要面對一個麻煩嘅嘢，就係執行李。正所謂去執行李痛苦回程，回程執行李更痛苦，今日就等我小編傳授大家幾招執行李嘅特別技巧，助大家一臂之力啦。
1.USB插蘇
係而家呢個年代，大部份嘅差電線都係用USB頭再轉， 所以不妨帶個多插口嘅USB國際插頭，同時隨行電器嘅線全部都換咗USB插頭，咁就唔使得個國際轉插又要插幾萬樣，又方便又快捷。
2. 一山藏二虎
好多時去旅行，行李最無位放嘅就係啲衫褲鞋襪，所以大家不妨運用收納嘅方法，例如女仔就可以將內褲捲好放喺bra嘅入面，再上下對接個bra，慳返個位又可以防止變形。皮帶都係同樣道理，捲好再放有領嘅衫嘅衫領位。
3. 首飾妙法
女士們來講如果去旅行要帶首飾都係幾麻煩，拎個首飾盒會晒位，唔拎又會放到好亂驚整壞，如果係頸鏈可以將頭尾攝係吸管嘅頭未，耳環就可以將一對勾係一個鈕上面，另外可以嘗試用藥盒做首飾盒，慳位又方便攜帶。
4. 衫褲先分類
好多人都習慣將衫褲用一個大袋裝起，其實不妨先將每日要着嘅衫褲一日一日咁分開放好，咁就可以慳返時間唔使到時再心思思諗要着啲乜，唔係一陣摷完又要重新執過。
5. 一切從簡
如果係以背包客方式去旅行，最好就所有野都從簡，但係一次性嘅沖涼液同洗頭水又或者二合一嘅洗頭水，就可以慳返啲位，另外所有lotion 可以用con盒裝。 如果有貴重嘢就用厚外套先將貴重嘢包好，重嘢就放喺背囊嘅最底部，會令到重力嘅分布比較平均。
相信好多人都覺得執行李好痛苦。
用一次性嘅沖涼液同洗頭水又或者二合一嘅洗頭水，就可以慳返啲位。
預先執定每日會著嘅衫，就唔使到時煩著咩。
Sources : Yahoo Travel HK
MuseTravel
