華欣自駕分享

相信大部份熱愛泰國的Muse Buddy 都有聽過華欣呢個渡假勝地的大名。

華欣，由曼谷機場乘車去需時大概3個多小時，不少人都會選擇租車或自駕前往。

不過，近日就有一宗汲及傷亡既車禍發生於泰國華欣，當中更造成3死3傷。

收到呢個消息小編都好難過，希望死者可以安息鄧傷者可以平安回港。

咁實情泰國公路有無咁危險？最近都有睇到Mr.O 於Facebook 講左幾點有關泰國自駕既資訊，希望同大家分享一下。

1) 泰國人做咩都慢，但揸車就好快，由其係出左曼谷上一啲高速公路，更加要小心。
2) 佢地啲路維修唔係做得好好，好多時喺慢線路會比較爛，如果行太快，有機會會搶軚。
3) 有石躉嘅快線盡量避開，佢地啲路有時鋪得好差，條路好似的波浪咁，架車好容易唔覺意會「西」左去中線，會好危險，所以比較建議行中線。
4) 小心大貨車，千祈唔好跟咁貼或平排。因為泰國啲路肩時常有死車或電單車，大貨車為左避佢地，一「西」過嚟可大可少
5) 最最最緊要都係唔好開咁快，注意安全。

而小編亦曾於華欣自駕，發現死車現像真係好常見，但只要唔好開太快，留心路面情況，咁就算前面有突發意外都可以及時避到。