有時等上飛機都真係幾悶，如果遇上delay既話應該仲會更加覺得時間過得好慢。
不過，如果你係係下面呢4個機場等上飛機，你或者會delay得好開心！因為，機場既設施.....實在太好玩啦！
等我逐一為你介紹下先！

1) 新加坡樟宜機場
新加坡係一個設施同公民意識好高既國家，佢地既機場更連續三年取得「全球最佳機場」的冠軍寶座。
有咩原因可以三年都冠軍？原因當然係機場既設施，以下就講幾樣非常有心既設施你聽。
「4層樓高瀡滑梯」
位於機場三號客運大樓，高12米。

「植物主題公園」
植物園分7大部份，分別為竹園、仙人掌花園、鳳尾花花園、錦鯉池、蘭花園、蕨園和向日葵花園。
透過機場上方九百多片的反光板讓陽光從縫隙照進室內，並自動調節光亮，
以環保裝置使能源再生，令蝴蝶園內的植物可以同時進行光合作用

「24小時免費電影院」
院內約有50個坐位，但觀眾不多，戲院外面還有電視顯示整天播放的電影。

「露天游泳池」​
新加坡一年四季都為熱天，游住水等上機都為一個不錯的選擇。

其實咁玩法，不如驚唔miss左班機好過delay啦！



2) ​北海道新千歲機場
「《多啦A夢》樂園」
依個以多啦A夢為主題既空中樂園分為七個園區，包括：公園區、兒童區、娛樂區、圖書館區、手作區、咖啡區、商店區。
園區內有很多《多啦A夢》的佈景，大人小朋友好可以盡情玩。
不過樂園係收費既，成人800日元，小孩300日元，3歲以下免費；而營業時間為10am-6pm(最後進場5:30pm)。


「Hello Kitty 手信店」
店內大部份都為限定版，上機前買手信必到。

「Steiff Nature World - 仿動物園」
館內有超過130年歷史製作的各種限定版泰迪熊，仲有約2米高識郁的大型立體布偶模型。
除此之外，館內仲收集了野生動物、寵物甚至瀕臨絕種的動物約2000個布偶。帶小朋友嚟呢度可以上動物課添！
入場費：成人：600日圓，3歲以下免費；開放時間：10am-6pm（最後入場時間5:30）

「空港溫泉－－萬葉之湯」
想臨上飛機返香港工作前再好好放鬆下？不如浸個溫泉啦！你無聽錯，機場都有得浸溫泉！
新千歲機場就有，泉質是含有鹽分的鈉鹽化合物溫泉，pH值為8，屬於弱鹼性。被稱為美人湯的泉水。
開放時間：10am-翌日9am；入場費：成人：1,500日圓／小童：800日圓／3歲以下：600日圓




3) 名古屋中部機場
「風之湯」
除左新千歲機場，名古屋既機場都有得浸溫泉！而不同之處就係可以一邊浸一邊睇飛機升降！
泡湯不分男女都是1000日元 ，不過如果你身上有紋身的話，就不能進入啦！ 




4) 韓國仁川國際機場
近年韓國非常受到追捧，去韓國既Buddy都多左。多數Buddy去韓國都係以Shopping居多，
其實都可以趁係機場既時間，體驗下韓國文化！
「韓國文化博物館」
館內展出美術、生活、歷史等相關展品外，還有傳統韓國音樂、舞蹈演出。另外，館內還會定時還有手工藝教學。
其中一項仲可以體驗傳統韓國服飾。

「機場滑冰場」
滑冰場去年才開幕，設施非常新，而且全年無休，最重要是不收入場費！
不過就要付租滑冰鞋的費用啦！3歲以下小孩2000圜、成人4000圜，而滑冰場一次最多可容納超過150人！