嚟到台灣，小編覺得點都要豪啲食返一餐半餐好嘅，打邊爐/日式鍋物絕對係一個選擇！
但各位網友都會擔心，食一食就百幾二百蚊港幣落樓，不過有間平得嚟又好食嘅日式鍋物想話比各位網友聽，開心「些牙」嘛！

話說小編毒自遊台中，喺日月潭遊完返到台中後就即刻想搵啲好野食，食完後又想行下勤美誠品，搭公車去到嗰頭就醒起呢間野，於是搭多兩個站公車嚟呢間食晚飯。輕井澤公益店嘅設計寛敞，並且流水格局令食客用膳感覺更良好。平日雖然都要等但人唔算太多，小編一個人等左10-15分鐘就有位了。

大家嚟呢度食野要記住，呢度要落左柯打+比左錢先(要加野食都係)，所以等執檯時店員就叫小編落單比錢先，之後執好檯坐低等野食了，仲附近一杯野飲比你。小編叫左一個沙朗牛肉壽喜燒(NT$293)，沙朗即係香港叫嘅西冷，另外後加一個貢丸，你知小編幾大食…

當啲野食同個鍋野到左，再等埋個鍋野滾起，小編就立即開動了。成個餐除了沙朗牛肉外，仲有一碗蔬菜同丸，感覺好似健康啲，湯底唔太甜亦唔會太咸。小編放左一片沙朗牛肉落個鍋入面「淥兩淥」放入口，不但超有嚼口同口感好正，脂肪部分接近即溶，實在太正了！同喺吉野家、牛涮鍋或者牛陣食到嘅相比，呢個不但正好多，而且價錢亦都平好多(同吉野家價錢上差唔多)。蔬菜同包心丸都幾新鮮，後加嘅貢丸都好彈牙。

所以話，有時想食到正野，唔一定好貴，而且包保一定好食，去台中一定要試試輕井澤。BTW如果想食的話，建議大家訂定位先，咁到時唔駛等咁耐嘛。

輕井澤鍋物(公益店)
地址：台中市西區公益路276號
電話：04-23274747
營業時間：上午11：00 –凌晨02：00
其他分店詳情可上官網查詢：
http://www.karuisawa.com.tw/stronghold_d.php?id=2

Sources : GOTrip